Kæru félagar.
Ekki hafa veðurguðirnir verið okkur hliðhollir í vetur og í fyrsta sinn í sögu Ístöltsins okkar voru aðstæður ekki mjög hestvænar svo ekki sé meira sagt. En ég vil þakka Freyfaxafélögum og öðrum sem komu að mótinu, hvort sem keppendur eða starfsmenn, kærlega fyrir hversu vel tókst til þrátt fyrir slæmar aðstæður. Vonandi verður þetta betra að ári :). Einnig var almenn ánægja með Þorramótið þannig að mótastarf fer ágætlega af stað hjá okkur. Æskulýðsstarfið heldur áfram hjá Angie og Ellen og er gaman að koma og fylgjast með því sem er verið að gera þar. Meistaradeildarkvöldin okkar hafa tekist mjög vel og hefur mæting á þá viðburði verið góð. Það er líka gaman að sjá hesta hér að austan taka þátt í svona sterkri keppni og það styrkir ræktunarstarf félagsmanna enn frekar. Freyfaxafélagar hafa verið að taka þátt í mótum fyrir norðan á Akureyri og staðið sig mjög vel, verið þar á verðlaunapalli, og eigum við einn fulltrúa á svellinu á morgun í Reykjavík á Svellköldum konum þar sem Nikólína Rúnarsdóttir ætlar að spreyta sig ásamt Aski frá Lönguhlíð. Ég tala af reynslu þegar ég segi að þetta mót er eitt það skemmtilegasta sem haldið er ár hvert, hvort sem tekið er þátt í því sem knapi eða starfsmaður. Það er alltaf jákvætt þegar knapar koma fram undir merkjum félagsins og eru sýnilegir. Til stendur að fá reiðkennara til að koma austur og halda námskeið og samkvæmt könnunni sem er á síðunni er það keppnisþjálfun og almenn reiðkennsla sem brennur mest á félagasmönnum og við munum flytja fréttir af því um leið eitthvað skýrist í þeim málum.
Framundan er mótaröð sem fer fram í reiðhöllinni og verður keppt í þrígangi 14.mars og tölti tveim vikum seinna. Eins og áður þá hvet ég félagsmenn til að taka þátt í þeim viðburðum sem félagið stendur fyrir og ef það eru einhverjir sem vilja hjálpa til eða leggja hönd á plóginn að hafa samband við stjórnina eða mótanefnd. Svo læt ég fylgja með umsókn um Feif-Youth Cup ef einhver hefur áhuga http://www.lhhestar.is/is/moya/news/feif-youth-cup-opid-fyrir-umsoknir
Freyfaxakveðja,
Elísabet Sveinsdóttir formaður.
Ekki hafa veðurguðirnir verið okkur hliðhollir í vetur og í fyrsta sinn í sögu Ístöltsins okkar voru aðstæður ekki mjög hestvænar svo ekki sé meira sagt. En ég vil þakka Freyfaxafélögum og öðrum sem komu að mótinu, hvort sem keppendur eða starfsmenn, kærlega fyrir hversu vel tókst til þrátt fyrir slæmar aðstæður. Vonandi verður þetta betra að ári :). Einnig var almenn ánægja með Þorramótið þannig að mótastarf fer ágætlega af stað hjá okkur. Æskulýðsstarfið heldur áfram hjá Angie og Ellen og er gaman að koma og fylgjast með því sem er verið að gera þar. Meistaradeildarkvöldin okkar hafa tekist mjög vel og hefur mæting á þá viðburði verið góð. Það er líka gaman að sjá hesta hér að austan taka þátt í svona sterkri keppni og það styrkir ræktunarstarf félagsmanna enn frekar. Freyfaxafélagar hafa verið að taka þátt í mótum fyrir norðan á Akureyri og staðið sig mjög vel, verið þar á verðlaunapalli, og eigum við einn fulltrúa á svellinu á morgun í Reykjavík á Svellköldum konum þar sem Nikólína Rúnarsdóttir ætlar að spreyta sig ásamt Aski frá Lönguhlíð. Ég tala af reynslu þegar ég segi að þetta mót er eitt það skemmtilegasta sem haldið er ár hvert, hvort sem tekið er þátt í því sem knapi eða starfsmaður. Það er alltaf jákvætt þegar knapar koma fram undir merkjum félagsins og eru sýnilegir. Til stendur að fá reiðkennara til að koma austur og halda námskeið og samkvæmt könnunni sem er á síðunni er það keppnisþjálfun og almenn reiðkennsla sem brennur mest á félagasmönnum og við munum flytja fréttir af því um leið eitthvað skýrist í þeim málum.
Framundan er mótaröð sem fer fram í reiðhöllinni og verður keppt í þrígangi 14.mars og tölti tveim vikum seinna. Eins og áður þá hvet ég félagsmenn til að taka þátt í þeim viðburðum sem félagið stendur fyrir og ef það eru einhverjir sem vilja hjálpa til eða leggja hönd á plóginn að hafa samband við stjórnina eða mótanefnd. Svo læt ég fylgja með umsókn um Feif-Youth Cup ef einhver hefur áhuga http://www.lhhestar.is/is/moya/news/feif-youth-cup-opid-fyrir-umsoknir
Freyfaxakveðja,
Elísabet Sveinsdóttir formaður.
