Opnað fyrir skráningar á "ístölt"

Opnað hefur verið fyrir skráningar á Ístölt Austurlands sem fer fram í Stekkhólma. Mótið hefst kl. 11.00 þann 18. mars. Eðli málsins samkvæmt fer keppni ekki fram á ís að þessu sinni heldur  annað hvort á vellinum okkar eða á grasbrautinni ef aðstæður leyfa. Skráð er á mótið í skráningaflipanum hér á síðunni. Skráningafrestur er til 23.59 fimmtudaginn 16. mars. 

Keppt verður í B-flokk, A-flokk, Tölti 16 ára og yngri, Tölti áhugamanna og opnum flokki í tölti. 

Skráningargjald er 3.000 kr. fyrir fyrstu skráningu knapa en 2.000 kr. á hverja skráningu eftir það. 

Keppnisfyrirkomulagið er eftirfarandi:
Í öllum flokkum eru riðnar fjórar ferðir. 2-3 eru í hverju holli í forkeppninni og 5 ríða úrslit í tölti en 8 í A- og B-flokk. 

Tölt 16 ára og yngri:
1. ferð: Hægt tölt
2. ferð: Hægt tölt
3. ferð: Fegurðartölt
4. ferð: Fegurðartölt

Tölt áhugamanna:
1. ferð: Hægt tölt
2. ferð: Hægt tölt
3. ferð: Fegurðartölt
4. ferð: Fegurðartölt

B-flokkur:
1. ferð: Hægt tölt
2. ferð: Brokk
3. ferð: Greitt tölt
4. ferð: Frjáls ferð

A-flokkur:
Allar ferðir frjálsar, knapi stýrir sinni sýningu.

Tölt opinn flokkur:
1. ferð: Hægt tölt
2. ferð: Tölt með hraðamun
3. ferð: Tölt með hraðamun
4. ferð: Greitt tölt

Pískar eru leyfðir í öllum flokkum!