Ágætu félagar
Áður en við opnum á ný fyrir skráningar fyrir félagsmót og úrtöku fyrir FM15 vil ég koma eftirfarandi á framfæri:
Sú ákvörðun að fresta úrtöku sem fara átti fram 7. júní sl. var hvorki tekin auðveldlega eða af léttúð, það var aftur á móti álit stjórnar félagsins að með því að fresta mótinu fengjum við fleiri hross, betri aðstæður og heilt yfir skemmtilegra mót. Ástæður þess að við frestuðum mótinu hafa verið nefndar áður en allt í lagi að impra aðeins á þeim aftur. Helstu ástæðurnar voru þær að mikill fjöldi knapa og hesteiganda biðlaði til okkar um að fresta og talsverður fjöldi hrossa sem við teljum geta orðið félaginu til mikils sóma á fjórðungsmóti hefðu ekki mætt til leiks. Þá voru vallaraðstæður ekki góðar, búið að vera leiðinlegt veður og svo mætti lengi telja.
Það að fresta mótinu var að mínu viti sú besta sem við gátum tekið í stöðunni, hins vegar er gagnrýnivert hversu seint frestunin átti sér stað og skrifast það á reynsluleysi undirritaðs. Á þessum mistökum biðst ég afsökunar og vona að þeir sem frestunin kom illa við, geti með tíð og tíma fyrirgefið þau mistök.
Nú styttist í mótið sem haldið verður 20. júní, búið verður að leggja efni á völlinn svo hann ætti að verða mun betri en fyrir, vonandi að sumarið fari að láta sjá sig svo við getum notið útiverunnar og að öll þau frábæru hross sem stefnt er með á fjórðungsmót verði upp á sitt besta.
Þær skráningar sem komnar voru komu til með að standa þannig að fólk þarf ekki að skrá sig aftur á mótið, okkur langar hins vegar að biðja þá sem, vegna breyttrar dagsetningar, sjá sér ekki fært að taka þátt að láta vita af því, annað hvort símleiðis í 843-7619 eða í tölvupósti freyfaxihestar@gmail.com . Skráningarfrestur rennur út á hádegi miðvikudaginn 17. Júní.
Með vinsemd og virðingu
Bjarki Þorvaldur Sigurbjartsson
Formaður Freyfaxa
Áður en við opnum á ný fyrir skráningar fyrir félagsmót og úrtöku fyrir FM15 vil ég koma eftirfarandi á framfæri:
Sú ákvörðun að fresta úrtöku sem fara átti fram 7. júní sl. var hvorki tekin auðveldlega eða af léttúð, það var aftur á móti álit stjórnar félagsins að með því að fresta mótinu fengjum við fleiri hross, betri aðstæður og heilt yfir skemmtilegra mót. Ástæður þess að við frestuðum mótinu hafa verið nefndar áður en allt í lagi að impra aðeins á þeim aftur. Helstu ástæðurnar voru þær að mikill fjöldi knapa og hesteiganda biðlaði til okkar um að fresta og talsverður fjöldi hrossa sem við teljum geta orðið félaginu til mikils sóma á fjórðungsmóti hefðu ekki mætt til leiks. Þá voru vallaraðstæður ekki góðar, búið að vera leiðinlegt veður og svo mætti lengi telja.
Það að fresta mótinu var að mínu viti sú besta sem við gátum tekið í stöðunni, hins vegar er gagnrýnivert hversu seint frestunin átti sér stað og skrifast það á reynsluleysi undirritaðs. Á þessum mistökum biðst ég afsökunar og vona að þeir sem frestunin kom illa við, geti með tíð og tíma fyrirgefið þau mistök.
Nú styttist í mótið sem haldið verður 20. júní, búið verður að leggja efni á völlinn svo hann ætti að verða mun betri en fyrir, vonandi að sumarið fari að láta sjá sig svo við getum notið útiverunnar og að öll þau frábæru hross sem stefnt er með á fjórðungsmót verði upp á sitt besta.
Þær skráningar sem komnar voru komu til með að standa þannig að fólk þarf ekki að skrá sig aftur á mótið, okkur langar hins vegar að biðja þá sem, vegna breyttrar dagsetningar, sjá sér ekki fært að taka þátt að láta vita af því, annað hvort símleiðis í 843-7619 eða í tölvupósti freyfaxihestar@gmail.com . Skráningarfrestur rennur út á hádegi miðvikudaginn 17. Júní.
Með vinsemd og virðingu
Bjarki Þorvaldur Sigurbjartsson
Formaður Freyfaxa
