Hér fyrir neðan má sjá ráslistar fyrir morgundaginn, takið eftir að flokkarnir eru riðnir í eftirfylgjandi röð (Úrslit í hverjum flokki eru riðin um leið og forkeppni lýkur):

B- lokkur
Tölt 17 ára og yngir

20 mín hlé (sjóppan verður með smurðum rúnstykkum og einnig kaffi og með þvi)

A- flokkur
Tölt Áhugamenn
Tölt opinn flokkur

Mótinu lýkur með verðlaunaafhending í öllum flokkum í félagshúsinu.


Sjáumst hress í Stekkhólma á morgun! Við byrjum á slaginu 11 :-)

Reiðhöllin okkar á Iðavöllum er núna opin til afnota. Við erum að bíða eftir að fá samþykkt reglugerð og verðskrá hjá Fljótsdalshéraði. Það verður hægt að kaupa árskort fyrir einstaklinga og fjölskyldu og einnig stakir tímar. 
Allar pantanir fara fram hjá Melli, umsjónarmaður reiðhallarinnar í síma 8958713 eða í tölvupósti fidrildi@web.de. Hún veitir líka ýmsar upplýsingar um reiðhöllina.

Hin árlega kvennareið Freyfaxa verður farin laugardaginn næsta, 1. september. Eins og er er veðurspáin fyrir laugardaginn alveg til að hrópa húrra fyrir en ef hún breytist skyndilega þá höfum við alltaf sunnudaginn upp á að hlaupa með kvennareiðina :D Að þessu sinni verður riðið um okkar fallega Hallormsstaðaskóg. Lagt verður af stað frá Hússtjórnarskólanum á Hallormsstað kl. 14.00 og riðið verður í Hafursá. Leiðin er sirka 1 og hálfur tími í reið og hentar því fyrir einn hest. Við munum einnig taka pásur eftir þörfum, bæði hesta og kvenna :) þegar til baka er komið verður grillað í neðsta reit (þar sem skógardagurinn mikli er haldinn) en hver og einn þarf að koma með á grillið fyrir sig. Annað sem þarf að koma með fyrir utan hest og reiðtygi er góða skapið og drykki (ef menn vilja). Einhver glaðningur verður í boði á leiðinni og við stopp í Hafursá svo að þátttökugjald í kvennareiðina er 1000 kr. Einhverjir hafa tök á að lána hesta svo endilega verið í bandi við Kolbjörgu ef ykkur vantar reiðskjóta en viljið koma með (í gegnum facebook eða í tölvupósti kolbjorg.lilja@gmail.com). Reiðin er opin fyrir aðra en félagsmenn. Fararstjóri í ferðinni er Védís Klara. Endilega tilkynnið um þátttöku ykkar annað hvort á facebook eða í netfangið kolbjorg.lilja@gmail.com

Vonumst til að sjá sem flestar. 
Útreiðanefnd Freyfaxa
​

Opið félagsmót Blæs


Þann 28 júlí n.k. verður haldið opið félagsmót Blæs á Kirkjubólseyrum í Norðfirði.


Keppt verður í tölti T3, A- og B flokk, unglingaflokki ( 13-17 ára ) og barnaflokki ( 12 ára og yngri ).


Skráningargjald fyrir hvern hest er 2000 krónur


Kaffisala Blæs mun að sjálfsögðu standa fyrir sínu og freista okkar með góðum kræsingu, alvöru Hnallþórum.


Skráningarfrestur er fram að hádegi 25 júlí , tekið er á móti skráningum á netfanginu soffiaannahelga@gmail.com – við skráningu skal tiltaka nafn knapa og IS númer hests, keppnisgrein og í T3 upp á hvora hönd sé riðið.


Fylgist með facebook síðu Blæs eftir nánari tilkynningu hvenær tími byrjar en það ræðst eftir skráningafjölda.


Hægt er að mæta degi fyrr og æfa hrossin á svæðinu,
Nánari upplýsingar um slíkt má fá hjá Guðbjarti s. 860 9904

Hér fyrir neðan má finna dómarablöð Félagsmótsins á pdf formi, fyrir bæði forkeppni og úrslit í hverjum flokki. 

Nú er frábæru Félagsmóti og úrtöku fyrir Landsmót lokið þetta árið. Ég vil þakka öllum sem komu að mótinu, dómurum, öllu starfsfólki og öllum sem hjálpuðu til við að gera þetta mót að veruleika. Ég vil einnig færa keppendum þakkir fyrir gott samstarf og prúðmannlega framkomu, það er ánægjulegt þegar allir eru til fyrirmyndar. Ég vil þakka öllum sem komu á laugardaginn fyrir einstaka þolinmæði og þá léttu lund sem þeir sýndu okkur í mótstjórn þegar allt virtist ætla að fara yfirum af seinkunum og veseni í tölvukerfi. Næsta mót verður þá sjálfsagt nærri fullkomið því nú kunnum við svo vel á þetta nýja kerfi sem verið var að taka í notkun. 

Við áttum góða stund í fjölmennum reiðtúr sem farinn var um svæðið eftir keppni á laugardag og það var mikið gaman að sjá hversu margir komu í grill eftir reiðtúr. Reiðtúr og grill á félagsmóti virðist því vera að ná því að festast í sessi og er það mín von að þetta verði hefð hér eftir. 
Sú nýbreytni var höfð á að haft var kökuhlaðborð í hádegi á sunnudegi sem heppnaðist með eindæmum vel og vil ég þakka öllum þeim góðu konum sem sáu sér fært að gefa okkur kökur í það. Það er mín von að þetta festist i sessi eins og grillið og reiðtúrinn. 

Hér að neðan er skjal sem inniheldur öll úrslit mótsins, með fyrirvara um villur sem kunna að vera vegna þess að við kunnum ekki fullkomlega á kerfið. 

Með einlægri og kærri þökk fyrir frábæra helgi
Valdís Hermannsdóttir, mótstjóri

P.S. Ég gleymdi einu. Takk veðurguðir!